Во периодот од 2021 до 2022 година, ТЕТРА Битола успешно реализираше значаен инфраструктурен проект од јавен интерес, насочен кон заштита на животната средина и модернизација на комуналната мрежа. Проектот опфати комплетна реконструкција на клучни фекални пумпни станици, под инвеститорство на ЈП КОЛЕКТОРСКИ СИСТЕМ ОХРИД. Работните активности на терен се одвиваа во неколку фази и ја опфатија десната и левата страна на езерскиот брег, поточно пумпните станици Елешец, Метропол и Калишта.

Описот и обемот на работа вклучуваа комплетна демонтажа на старата и дотраена опрема, проследена со набавка, испорака, монтажа и пуштање во функционална работа на нови потопни фекални пумпи. Системите се изведени во комплет со потисни PE цевководи, современи инсталации за електрично напојување и напредна автоматика. За потребите на трите станици беа имплементирани вкупно 6 висококвалитетни пумпи од брендот TSURUMI Japan опремени со специјален катер-секач за непречена работа со отпадни води.

Во ПС Елешец се монтирани 2 пумпи (работна и резервна) со капацитет Q=21l/s, напор H=10m и снага P=6kW. Во ПС Метропол се поставени 2 агрегати со капацитет Q=24l/s, напор H=15m и снага P=15kW, додека во ПС Калишта се интегрирани уште 2 пумпи со капацитет Q=18l/s, напор H=24m и снага P=15kW. Секој комплет е испорачан со сопствен заштитен електроормар, со што ТЕТРА обезбеди долготрајно и сигурно техничко решение за комуналниот сектор.

Вкупниот обем на работа резултираше со пуштање во функција на три комплексни пумпни агрегати. Во рудникот Брод-Гнеотино се монтирани 2 комплети составени од потопни пумпи TSURUMI Japan (Q=100l/s, H=40m, P=75kW) поставени на специјални пловечки понтони, поврзани во серија со центрифугални пумпи BBA PUMPS Netherlands (Q=100l/s, H=95m, P=160kW). Истите се поврзани со GRE цевководи DN250 PN16 од холандскиот производител FPI-Netherlands во должина од 3.500 метри. За рудникот Суводол е монтиран 1 идентичен комплет, но со посилна центрифугална пумпа BBA PUMPS (P=400kW, H=160m) и GRE цевковод во должина од 1.800 метри.

Комплетната опрема е ставена во функција заедно со трафостаници и електроенергетски ормари опремени со фреквентни регулатори, автоматика и заштитни системи. Со овој проект, ТЕТРА уште еднаш ги потврди своите капацитети за справување со најголемите индустриски предизвици во државата.